Ayang Wong, un ExLagoenero di Playa a muri na New Jersey

SAMSUNG CAMERA PICTURES

Mi a tende di Lisa Wong cu su tata Kit Ying Wong a fayece na New Jersey september 7 na edad di 89 aña. Tempu cu Kit Yin Wong a crece na Aruba e tabata conoci como “Ayang” y e tabata biba na Lagoenweg, un poco pariba di e brug cu ta conecta Zoutmanstraat cu Julianastraat, mas o menos 200 meter pariba di caminda ami tabata biba.

Ayang su famia tabata e doñonan di Paris Restaurant na Oranjestad y di Chesterfield Restaurant na San Niciolas. Ayang a asisti St. Dominicus College y e tawata un padvinder cu e grupo St. Franciscus tempo cu Chomi Laclé, un gran futbolista di Aruba, tabata Hopman. Su coleganan na scol ta corda Ayang como un studiante briyante y un scout pasiona, masha agil. Ami mes ta corda Ayang como un mucha homber cu semper tabata den bon beis y tur hende cu tabata conoce tabata apreci’e.

Despues di gradua na St. Dominicus College el a bay studia na Merca y el a obtene su diploma di inginiero na e prestigioso Lehigh University. El keda biba na Merca caminda e tabatin un carrera exitoso. Su dos yiu hombernan a bira dokter di wowo cu clinica na varios lugar den New Jersey. Lisa, su unico yiu muher ta un realtor exitoso na New York.

Aunke Ayang tabata bin Aruba regularmente, nos no a topa otro te tres aña pasa cu Ayang a bin pasa vacantie aki cu su yiu Lisa. Despues di setenta aña e dos exLagoenero a topa otro atrobe.

Disfrutando di un desayuno Hulandes na Dutch Pancake House, nos a combersa, recorda y intercambia noticianan di nos famianan durante casi dos ora. Mi a presenta un copia di mi buki “Storianan Di Un Mucha Di Lagoen” cu a wordo publica un poco tempo prome. E buki ta contene un cantidad di potret cu a pone Ayang corda riba su hubentud. Mi a goza e potretnan cu Lisa a trece di e miembronan di e famia di Ayang cu ami no tabata conoce.

Mi tabata spera di mira Ayang atrobe, pero destino no a permitimi. Dos aña pasa Ayang a accidenta y kibra un weso di lomba y no a recupera mas. Despues di hopi trauma, Ayang a bay sosega. El a bay laga su señora cu kende el a comparti 67 aña di su bida, tres yiu y tres nieto. Ayang a wordo crema y probablemente Lisa lo plama su shinishinan aki na Aruba.

Mi condolencianan ta bay pa tur su famianan, pero en especial pa Lisa cu a impresiona mi cu su amor profundo pa su tata. Cu Ayang haya descanso eterno.
Skirbi pa Clyde Harms

Comments

comments

Source link

Dicon e pueblo humilde, inteligente y conciente di Aruba lo bay vota den sumayoria pa e partido A.V.P. dia 22 september2017

Pasobra cu:

 -Partido A.V.P. no tin ribalistaninguncandidato cu a sa di mafia hopiplacanan di Fundacion Lotto pa Deporte y cu a get away cu crimen y awe kier pasa pa hendeintegroy limpicu nuncaa yega di kibraun kopi (Puntra MEP);

-Partido A.V.P. no tin ribalistaninguncandidato cu a sa di mafia hopiplacanan di Fondo Di Desaroyo San Nicolas y cu a get away cu crimen y awe kier pasa pa hendeintegro y limpi cu nunca a yega di kibra un kopi (Puntra POR);

-PartidoA.V.P. no tin ribalistaninguncandidato cu supuestamente a base di un decision di Huezno mag di yegacerca di suyiu(nan);

-Partido A.V.P. den nanochoañanan di gobernacioncu sosten di un mayoriaabsoluto, no a laga e pueblo cu trauma, sufrimento y dolor. Alcontrario, bao di liderazgo di sr.mr. Mike Eman, partido A.V.P. cu vision claa logra di mehorasubstancialmente e calidad di bida di delasteruncuidadano den nospais;

-Partido A.V.P. no tin ribalistaninguncandidato cu un ambiciondescontrola pa P.puesto, P.placa,P.poder, manera pueblo siconoce den MEP y POR, e denunciarecientementedi sr. Jan de Ruijterna PG, mr. A. van Dam, ta señala e cuestionakihopicla;

-Pueblo di Arubanomag di lubida con e gobiernonan di MEP a laga e Paisakidespues di nanochoañanan di mal gobernancionna 2009; MEPOTISMO cu ta igualna NEPOTISMO ta core den MEP subenanan. Practicadi nepotismokier meen, manipula cu fondonan di pueblo pa enrikesesolamentenanmes, nan famia- y amigonancercano;

-E wowonan di e paisnan den ReinoHulandes y di otronan cu conocenos Aruba, ta dirgiribanos, pa waaksiberdaderamentenos pueblo kier bay bek pa haya un gobernacion cu ta dispuesto pa hincanosatrobe den e añanan di deterioro, amargura, sufrimento y maltrato (Puntra MEP);

-Pueblo di Arubano mag pa desgracia cay den un ekibocacion cu suvoto, pa permiti e formacion di un “monster”coalicion MEP –POR(Plataforma di Odio y Rencor) porbirarealidaddespues di eleccion di 22 september 2017.

 

Leslie Merkies,

Comments

comments

Source link

Open Brief aan de heer Andin Bikker

Vol verbazing las ik uw statements over de criminaliteit vergelijking van Aruba met Rotterdam. Het is voor mij volstrekt onbegrijpelijk hoe een persoon zoals u, meneer Andin Bikker, klinkklare onzin kan verspreiden.

Hoe kan het zijn dat u eerst lijsstrekker was van Democratia Real en nu zo ver gezonken bent? Met de stappen die u nu neemt heeft u vele stemmers teleur gesteld. Ik kan dan ook niet anders dan vermoeden dat u dit wijs gemaakt is door iemand die alleen maar zijn middelbare school heeft afgemaakt namelijk Otmar Oduber. Bent u zich er wel van bewust waar u zich mee inlaat? Leest u de kranten zelf ook? Als Otmar Oduber in het nieuws vermeld wordt, staan er alleen maar slechte dingen in. Overal wordt vermeld wat voor een vieze rat het is.

Meneer Bikker, wij waren van plan op u te stemmen, als lijsttrekker. Die stemmen kunt u nu wel vergeten.

Natuurlijk ga ik niet ontkennen dat er op Aruba helaas ook sprake is van criminaliteit, maar meneer Andin Bikker dit is overal op de wereld zo. De bevindingen van Secretaris-Generaal van NATO de heer Jens Stoltenberg zijn dan ook wel accuraat; namelijk wereldwijd is er meer criminaliteit dan 30 jaar terug.

Ik vraag me werkelijk af of u uzelf wel heeft horen praten. Aruba vergelijken met Rotterdam??? Dit is echt te bizar voor woorden.  Aangezien u totaal geen idee heeft over wat er allemaal in Nederland afspeelt ben ik zelf even zo vrij geweest om er een aantal statistieken bij te zoeken. Bestudeer ze even rustig, dan begrijpt u wellicht waarom ik zo verbijsterd ben door uw bevindingen.

Wilt u alstublieft voordat u iets gaat publiceren eerst de feiten op een rijtje zetten, en de statistieken goed bestuderen meneer Andin Bikker.  Want dit komt wel erg knullig over zo. Begrijp me niet verkeerd, ik had altijd respect voor u. Maar die ben ik nu wel even verloren. Dit is gewoon appels met peren vergelijken, iets wat ik totaal niet verwacht van iemand die rechten gestudeerd heeft.

Als u dan toch perse iets wil vergelijken, kijk dan naar Curaçao bijvoorbeeld.  Dan zult u tot de conclusie komen dat wij het op Aruba toch niet zo slecht doen, zoals u het ons graag wil laten geloven.

Onze huidige minister van Justitie drs. Arthur Lawrence Dowers is goed op de hoogte van zijn taak en heeft de controle over de criminaliteit op Aruba. Tevens is hij goed op de hoogte van de praktijken van POR. De grootste sponsor van Otmar Oduber is de heerKoekoeman. De heer Koekoeman heeft al minstens 3x zijn restaurant verkocht, maar is nog steeds eigenaar. Hij weet heel goed hoe hij mensen moet oplichten, bindt de mensen aan een wurgcontract die ze niet na kunnen komen. Om ze vervolgens er koelbloedig uitzetten. En ondertussen vult hij zo schaamteloos zijn eigen zakken.

Zoals u zelf ook wel weet is de kans erg groot dat AVP weer gaat winnen, en dan is de heer Dowers wederom voor 4 jaar minister van Justitie. Dus als ik u was meneer Bikker, dan zou ik me meer druk maken over de criminaliteit in de bende van POR, voordat jullie zelf met zijn allen opgesloten worden.

M.v.g.

Comments

comments

Source link

Felipe Croes – E dolor innecesario cu MEP a causa nan famia

Pa medio di esaki mi persona Felipe Croes kier pidibo espacio den bo medio pa duna mi opinion y conta nos experiencia como famia/mayor over e caso dimi jiu Gerick Croes na 2016.

Como cuidadano mi tambe tin derecho di expresa mi mes y mi ta spera cu otronan por respeta esei. Na promer lugar mi kier duna di conoce cu ami ta considera mi mes un MEPista di cuna cual for di tempo cu Betico Croes a funda MEP mi a sigui e organisacion politico. Ora cu e partido a wordo funda e tawatin idealnan fuerte y den organisacion tawatin espacio pa tur hende briya y e oportunidad tawata wordo duna. Apesar cu Betico tawata esun di mas popular y e lider semper otronan riba lista bou su liderasgo por a sobresali.

Concientemente mi a laga tempo pasa promer mi duna nos opinion tocante caso y experiencia amargo cu nos como famia a biba aden. Mi jiu homber a wordo bon cria y forma door di su sra mama y mi persona.Nos tawata un famia humilde pero ehemplar cu a percura pa nan logra nan educacion. Tur loke nantin awe ta pasobra a logra esei cu nan estudio y sudor di nan propio frenta. Si un dia e tawata kier algo e sa cu e mester traha y spaar pe. Door di yena saco na supermarket e la spaar pa yega na su promer auto. Cu e norma y balornan  cu nos a lante nunca nan tawatin necesidad di touch cu nada di ningun hende. Asina e la crece y termina su estudio na un edad hopi jong. Gerick semper a gusta politica y tin hopi pashon y amor pa nos pais. Desde cu e la sacrifica su carera den mundo di accountancy/belasting pa subi lista di MEP ta decepcion so e la conoce. Un di e promer decepcion sufri ta ora e la haya un cobransa sorpresa di mas di 20 mil florin pa gastonan legal ora di bai corte na 2013 pa e motibo di a subi lista di MEP. Kizas hopi ciudadano lo pensa ta e mes a dicidi pa hasi esei pero hecho ta keda cu un organisacion politico cu lo ta interesa den un hoben no mag hunga cu su futuro. Mi jiu a laga sa e tempo ey como hoben profesional cu recien ta traha e ta imposibel pa paga gastonan legal di abogado si encaso tur cos mester bai leu. Aunke cu nada por escrito no tawatin, nan a bise no preocupa pasobra e lo haya su asistencia legal pa bringa su caso. Pero despues e la keda sin trabou y pa colmo haya uncobransa di 20 mil florin pa paga. E suma e mester a page for di loke e la haya di su likidacion. Mi ta laga na pueblo pa husga si ta normal pa hunga cu un hoben professional su futuro asina?

Nos como famia a biba cu a realidad aki y semper a kere den dje pa e demostra cu trabou duro cu e lo logra sobrepasa tur obstaculo. Gerick a keda entre oktober 2013 te cu februari 2014 desemplea y pa tristo cu esaki por sona partido MEP mes no a worry. Literalmente a lagele sclama tur e lunanan ey bibando bou situacionan economicamente hopi dificil. Esaki pueblo no sa , pa e mesun motibo aki e ta incomprendibel cu ta aplaudi e organisacion aki ciegamente. Loke si partido MEP a hasi pe na oktober 2013 ora cu su caso a sali positivo a saka un articulo den corant felicitando e pa gana su caso pero lo demas nada. Nan bida a sigui normal mientras mi jiu su bida a cambia y tawata struggle.Finalmente despues di a pasa den un seleccion di candidatonan cu a solicita pa bira fractiemedewerker di MEP e la wordo escogi. Nos famia tawata hopiagradicido pa e oportunidad cu mi jiu a haya. Pero lamentablemente e trato mes den MEP en general semper a laga di desea. Parlamentarionan hopibiaha tawata trate como sifuera ta mucha e ta, lubidando cu kizas e tin mesun of mas educacion y conocemento cu nan. Pero Gerick semper a mantene su mes humilde pero tambe expresando loke e no ta haya ta corecto. Kizas ora bo ta demasiado honesto esaki por conduci cu hendenan lo por marcabo.

Realidad cu ningun hende por nenga ta e hecho cu mi jiu homber durante e periodo como fractiemedewerker ta e unico persona banda di 2 parlamentario di MEP cu constant desde 2014 tawata hibando oposicion y traha duro. Apesar di tin poco recurso pueblo por a nota con Gerick a crece y tur ora ta capta atencion cu su articulonan bon balansa y critico manteniendo un linja di respet. Hasta compliment e tawata ricibi di contrincantenan cu a respete pa su forma di hiba politica. Ora ami tawata compañe den eventonan sociaal pueblo ta contento di mire. Den un periodo record e admiracion pe a crece substancialmente. Pero e mesun crecemento y admiracion di un pueblo pa Gerick a hasi’e bira un menasa grandi pa otro politiconan tradicional di MEP incluyendo e lider cu ainda ta usa sombra y memoria di Betico pa hasi politica. Pero MEP su actitud tawata uno hopidemotivante y destructivo pa e como hoben profesional. Na varioso ocashon mi jiu a wordo reclama pasobra e ta scirbi hopi articulo.

Tawata como sifuera e tawata limita di profila su mes. Mi ta content si di wak awor cosnan ta diferente pasobra ta temporada di eleccion. Manera mi a bisa anteriormente Gerick tin un estilo unico di comunica cu e pueblo y esaki a causa un clima di envida contra su persona den e mesun organisacion cu e tawata traha duro den dje. Gerick nunca a drumi, nunca a descansa y simper despues di eleccion 2013 e la keda activo. Nos como famia tawata asombra cu for di e propio lider tawata sali expressionan cu e no por profila su mes mas cu e lider pasobra hende ta comenta esei. Otro parlamentario femenino tawata hasi como sifuera e topico financiero ta e so mag di papia, scirbi of comenta di nan. E impreshon ey sigur ta demotivante pa un hoben pasobra bo ta desencurashe y no ta duna espacio pa e sigui crece. Ta como sifuera si bo ta parlamentario so bo mag scirbi. Esaki ta un trato denigrante y na e mesun momento hopi negativo pa un organisacion politico cu kier purba haya otro grupo di sostenedornan pa e por crece. Parlamentarionan inclusivo lider tawata balote y purba na sabotea e como politico prometedor y un di esnan cu lo a bira hopi grandi 2017. Personalmente nunca min pensa cu den partido di Betico asina hopi persona falso y envidioso ta forma parti di dje y cumi jiu por tawata rond di hendenan asina.

Gerick dedicando su mes 100% na politica  (pasobra carera den sector priva e no tawatin mas) a demostra kiko un persona apesar cu no ta den parlamento y no ta bini di famianan cu descendencia politico (of privilegia) por hasi ora bo tin pashon y amor pa politica. E la cuminsa ta hasi fundraising hopi trempan pero pa hasta esei mi jiu a wordo obstaculisa y critica. Mi jiu homber a wordo reclama y critica pasobra e ta usa logo di MEP , a critike pasobra partido tin preferencia.Tawata parce su man tawata mara! Si bo ta un candidato di nan ta cual logo bo por usa anto? Esaki ta lamentabel pasobra partido MEP pa hopi tempo ta inactivo ( te awor na 2017 ta agresivo) y pa delaster un pretexto nan tawata purba di strobe. Nan a bai asina leu di strobe hasi un evento di christmas baskets pa esnan menos afortuna (cual mi jiu hunto cu su mama pa algun aña caba ta hasiendo esaki for di propio iniciativa promer cu 2013). Esaki ta nifica cu e no mester a bira un politico pa por cuminsa yuda comunidad. Mi jiu pa por a yega na fondo ta bende cuminda pa despues e mes bai cumpra comestibles pa traha e paketenan. Na varios ocashon e la wordo reclama bou nomber di directiva cu Gerick no por hasi fundraising siendo cu ta trata di un acto di caridad. Tur manera a stroba un hoben di traha su caminda. Tristo ta e propio lider no tawata apoya e personanan riba lista cu tawata cune cu ta traha duro pa e partido. Ta hopi tempo valioso dimi jiu a wordo sacrifica di su 2 babynan y duna na MEP pasobra otro candidatonan di MEP tawata floho y no ta duna din an banda. E berdad curu y cultura di candidatonan di MEP ta bai eleccion pa despues drenta un winterslaap y lanta bek 6 luna prome cu eleccion. Cu Gerick bo por a nota e spirito bibo di un hoben cu ta traha duro. E realidad tawata cu aunke Gerick tawata den oposicion e la profila su mes naun forma diferente compara cu e lider di MEP y cualkier otro candidato. Door di esei e la haya admiracion di hopi hasta di propio contrincantenan manera mi a indica caba. Pero ki otro por a spera di e trato na su persona si hopi den pueblo mes den mayoria no gusta e lider ni varios di e parlamentarionan pa e forma con nan a sinta hiba politica?

Den pueblo y den seno di propio partido MEP e opinionan tocante mi jiu tawata cu e lo crece enorme y miembronan di MEP y parlamentarionan no tawata gusta esei.  Mi jiu semper tin un reputacion impecabel . Mi ta haya lastima cu envidia, jaloerzie y e ego di esnan mas ariba di e lista hasta e lider a hiba na purba DESTRUI bida dimi jiu y lubida cu e tin 2 baby! E partido a hasi e acto mas baho y vil den historia di politica na Aruba contra un hoben. Unpersona manera e lider cu ta expresa cu nos hobennan merece mihor tras di cortina (crioyamente bisa tira piedra sconde man) a hiba un campaña di susha nomber di un persona ehemplar manera mi jiu Gerick Croes. Un partido cu idealnan social democrata hamas y nunca lo mester a actua di tal indole. Nan a lubida cu Gerick tambe tin famia y cu su mama ta patient di curason. Asina algun di nos tambe e atake aki a afecta nos emocionalmente pasobra di ningun manera bo ta trata un hoben na un forma asina cruel peor cu enganjo, hechonan eroneo, historia crea y crea percepcion falso!

Como Mepista mi ta sumamente decepciona den e lider actual di MEP  y pa duele cu e ta hasi mi curason nos a bandona fila di MEP, mesun peticion nos a hasi na tur familiar, amigonan y tur otro amistad. E principio di trata un persona manera un berdadero ser humano y pone e hende central ta di hopi peso kinan. Purba di laga un persona sin nomber, sin carera, bati’e cu sushedad pa caba cune djis pasobra bo tin miedo di dje como politico ta algo cu hustamente ta demostra e tipo di personanan tras di e organisacion politico aki. Lastimamente mi no ta reconoce MEP mas cuBetico su idealnan!

Despues di 45 aña nos ta abandona MEP cu sabor amargo. E motibo principal ta cu mester trata e ser humano na un forma bon y no purba mata su caracter pa abo so por keda bon mira. E opinion eyfor di varios mepista raha y pueblo en general ta cu Sra. Evelyn Wever-Croes su presencia ta cabando cu MEP y esaki ta obvio desde cu un cantidad di politico grandi manera sra. Marisol, sra.Mervin, sr. Candelario y sr. Carl a bandona MEP. E caso dimi jiu no ta diferente pasobra e partido ta mandando un mensahe na pueblo eyfor cu den MEP no tin espacio pa otro si bo no ta parlamentario, cu den MEP no tin lugar pa hobennan cu ta resalta y cu lo por surpasa cierto hendenan den partido pasobra nan tin capacidad y mas sentimento humano. Dibiaha MEP wak nan sobresali den pueblo nan ta cla para pa corta nan hala. Si e tawata un lider di nivel, integro y transparente e lo a hasi lo corecto ora cu hende cu ta wak! Lo a la laga hasi uninvestigacion completamente imparcial entre otro saka videonan di banco pero esaki lo no a cumbinie pasobra NUNCA e lo no tin nada pa mustra contra mi jiu (y nunca lo tin tampoco). Sra. Wever- Croes semper ta papia di integridad ” hasi loke ta corecto, hasta ora nan no ta mirabo”. Awe mi ta kere cu e mester tin hopi berguensa di a expresa e palabranan aki si e mes no ta duna contenido na esaki den su propio seno. Un lider real lo a maneha un problema asina manera adulto sabiendo cu ta trata di un ser keri cu a comete e eror y no mi jiu y hasi lo corecto cu un nivel di imparcialidad. Tira piedra sconde man ta un arte cu e lider actual di MEP a domina hopi bon y a lage score riba un hoben prominente. Bo no por ganja hunga bon samaritano door di laga y despensa e persona cu realmente a comete un acto contra ley liber y hunga cu sentimento di hende pasobra nan tin jiu pa despues bo directamente of indirectamente laga cada un miembro di bo organisacion politico bai den pueblo y asesina character/personalidad di Gerick Croes. Y esaki pueblo a ignora y no a ripara e plan di accion obvio pa purba na caba cu un hoben cu tawata sobresali entrenan. Algun persona a prefera para banda un organisacion politico cu a demostra su berdadero cara humano pa destrui OTRO cu no ta cu nan mas. Loke mas a decepcionami ta cu e lider ta un mama di 3 jiu, un wela y lider di un partido social democrata cu door di tira piedra y sconde man a castiga un hoben cumi 2 nietonanliteralmente por nada. Hecho ta cu full e organisacion di e forma mas cruel a purba lage sin nada! Ta wordo papia den pueblo cu e hasta e rifa di Disney World organisa pa Gerick mes tawata asina impactante cu a crea jaloerzie bou di lider y otro dirigentenan di MEP anto pesei tanto sabotahe. Hasta e rifa ey e lider kier a ranca for di dje. E ta di lamenta pasobra den MEP mes tur e tempo nunca tawatin nada diferente pasobra nan no tin creatividad pero ora un hoben bin cu algo NOBO full e lista ta envidie y codicie.

Como tata di Gerick loke mas mi ta condena di e organisacion di MEP ta cu nan campaña di difamacion a bai asina leu pa touch cu su nivel di estudio purbando di destrui su carera. E parti mas lamentabel y condenabel ta e hecho cu e cabesante sa cu nunca Gerick a yega di hasi algo y hasta e la senjala den corte cu kizas por ta un caso unda cu por tawata mas atento. Cu ta un ser keri ta esun cu a comete eror ta un hecho. Asina mes no mester lubida cu nos como ser humano no ta perfecto. Mi no ta hustifica tampoco cu tal acto lo a sosode,pasobra esaki no ta bon. Pero pa bai asina leu pa crea un percepcion di e eror cometi door di otro persona y hasi como sifuera ta Gerick a hasi tal ta e nivel di mas abou cu por a bai den historia di politica na Aruba. Riba lista di MEP tawatinpoliticonan cu a hit and run, cu antes tawata envolvi cu traficacion, politiconan sentencia pa actua contra ley di comptabilidad y net eseinan e lider a keda cu nan. Como tata y un persona cu ta sigui politica di serca mi ta compronde cu cierto cosnan berdad ta politica pero den e caso specifico aki di mi jiu nos ta papiando di maldad. Cualkier persona na su sano huicio por pensa cu loke a wordo hasi no ta normal y inhumano den tur aspecto! Cu e organisacion di MEP deliberadamente a crea unpercepcion mey mey di pueblo di culpabilidad siendo nan ta na altura cu ta un ser keri tawata envolvi y toch ta sigui riba e mesun cos pa kibra un hoben educa y prometedor ta un actitud di condena.

Den bijbel ta para cu esnan cu hasi maldad un dia lo wordo condena y esei ta conta tambe pa lidernan di organisacion politico manera MEP cu tin su existencia conta si liderasgo no cambia. Dios ta bisti pijama pero no ta drumi. Si despues resulta cu pa via di mi opinion hendenan kier atakami ta algo cu mi no ta descarta y tampoco lo sorprendemi mas di hendenan di MEP cual tambe ta algo cu nan mester cambia sino e lo bai causa nan autodestruccion. E pensamento cu djis paso bo opinion no ta mucho positivo pa e partido y despues wordo jama pa tur tipo di cos mes ta caba cu partido.

E propio MEPistanan mes ta yuda core cu hende! Hasta e hecho cu candidatonan cu no ta forma parti mas di MEP cu ta wordo lastra ta incomprendibel pasobra ta come lubida con e mesun candidatonan ey a sacrifica nan bida , tempo y famia pe e organisacion. Pami e ta un actitud hopi malagradecido. Mi no ta descarta tampoco comotata cu den futuro lo tin e posibilidad cu persecushon politico por tuma lugar sea cu mi jiu of nos como su famia.

Mi ta contento y orguyoso cu mi jiu homber apesar di tur cos emocionalmente y spiritualmente a demostra di ta un hoben fuerte. Gerick a wordo husga, condena, lastra y tilda pa hopi hende sin misericordia. Un criminal mes ta haya su second chance den bida despues di a comete un crimen. Imaginabo un persona cu literalmente nunca a hasi nada pero toch a carga e peso di sushedad politico sin tin mester. Nos famia ta compronde cu e wega aki a wordo hopi bon hunga y tapa cu ayudo di media. E la wanta asina hopi sushedad y ainda tin e motivacion pa sigui bai dilanti despues di un sla innecesario y trato inhumano. Hopi lo kier nenga y trata di defende ciegamente e organisacion politico y su lider, pero prome bo atakami no lubida cu ami ta mep mescos cubo pero e diferencia ta cu AMI no ta tolera abuso y inhusticia contra di e ser humano. Mi a vota pa MEP ora Betico Croes (qepd) tawata na mando. Mi a asisti na tur manifestacion y hasta esun di Augustus scur 1977.  Despues semper mi a keda vota pa sr. Nelson Oduber. Ultimo mi a vota pami jiu y esnan den mi famia cu nunca antes a sosteneMEP tambe a duna Gerick nan voto pa e simpel hecho cu nan sa con e la wordo lanta, con hopi e la studia y ta un hende di bon boluntad. Danki Dios cu awendia e tin esnan cu ta sigui stime y a encurashe pe sigui studia. Promer cu e listanan pa eleccion 2017 a wordo sera ta 3 diferente lider a aserke pa subi lista pasobranan nan ta kere den su integridad, profesionalismo, su potencial y amor pa nos pais. E tin asina hopi potencial cu e propio Minister Presidente Eman a expresa su admiracion pe y ta wak e spirit di lider den dje pa futuro.

Pa esnan cu ta puntra unda e ta awor? Mi jiu homber a dicidi di cuminsa di nobo y re-educa su mes como hoben professional. Danki natodopoderoso cu tur cos ta bayendo bon cune y a topa hende nobo den su circulo y mi ta spera cu un dia e por tuma e decision pa bolbe drenta e arena politico bek pasobra e pueblo di Aruba mester hende educa y cu curason humilde manera dimi jiu.Aunke e como hoben ta pensa otro awor di politica debi na e sushedad cu politiconan tradicional ta hiba y kizas esaki por ta un factor pa no regresa. Mi ta termina gradiciendo cada un persona cu a lesa esaki y gradiciendo tambe tur hende cu a apoya mi jiu homber desde su lansamento na Savaneta como politico na 2013. Como cuidadano mi tin e derecho di por expresa mi mes sin cu lo mi bai wordo persigui. Mi ta spera tambe cu esnan cu ta sostene mep por respeta opinion di otro y no atakanan paso simplemente nan no ta forma parti dibo organisacion mas. Ta tristo cu tur e personan aki ta lubida cu undia esnan cu no tey cu nan mas a traha duro un tempo pa yudanan bai dilanti. Esaki tawata loke nos como famia a biba y a experiencia. Kizas e ta un les tambe pami propio jiu pa e wak bon kende ta rond di dje. Mi ta sera e capitulo scur aki cu e mensahe: ‘Trata un otro manera abo ta spera di wordo trata!’

Comments

comments

Source link

MEP y POR sípor forma complot pa goberna SIN MIEDO

Tempo cu ex-diputado di Bestuurscolege di MEP, sr. Daniel Leo, q.e.p.d. a bin afo cu hopisushedad di nan gobierno, sr. Guillermo Trinidad,q.e.p.d., e tempo eymiembro di Raad pa P.P.A. a bisa e siguientecitacion:”Si cabaronsacasucabezfo’ibao di lodo y bisabo cu eybao ta hole stinki, kere!!!!”

Y awe nos ta mira cu sr. Jan de RUYTER, e amigo intimo di MEP y nan satelitenan, den un denunciaoficialnaProcurador General di Aruba, puesnaHusticia di Aruba, ta declara cu partido MEP (Eveline Wever-Croes, GlembertCroes y DanguiOduber) a hayahopiplacafo’i un talcomercianteCoeman pa compromete nan mes cu MEP despues di  eleccionobligatoriamentelo bay forma un coalicion cu POR (E Plataforma di Odio y Rencor di OtmarOduber).

Aparentemente e talcomercianteCoemanakina Aruba ta bon conoci. E cos aki ta hole stinkiy ta hopidevastador pa nos “democracia”.Esaki ta un forma indeseabel di influencia un gobernacion. Partidonan politico cu ta participa den iniciativanancoruptivomanera a serbisa den e denunciaoficialaki NO MAG di hayavoto di e pueblo sensato y inocente di Aruba.

Nos si ta kere e denunciadi Jan de Ruyter, mescos cu nos a keretur loke sr. Daniel Leo, q.e.p.d., a bisa e tempo aya.

Nos ta pidi pa MinisterioPublico pa hacicaso mas liher cu ta posible di e denuncia di e ciudadano Jan de Ruyter. E asuntoaki ta hopiserio!!!

Comments

comments

Source link

Recordando e XIII Serie Mundial di Baseball Amateur di 1952 na Habana, Cuba

Dia 3 di september 1952 e seleccion di Amateur Baseball Bond Aruba a biaha pa Habana, Cuba pa participa pa di prome bes den historia den un Serie Mundial di Baseball Amateur.

Pa e hungadonan cu pa aña largo a practica e deporte sin oportunidad di demostra nan talento den un berdadero competencia internacional, e serie aki tabata un soño cu a bira realidad. Pa casualidad, e Serie di 1952 tabata na Habana, Cuba, capital di baseball Latino Americano, sede di e grandioso teamnan Azules de Almendares y Rojos de Habana, y e luga caminda Venezuela a gana e Serie Mundial di 1941 di Cuba den forma asina dramatico. Na aña 1952 Habana tabata e ciudad mas famoso di baseball pazuid di New York.

E Serie Mundial di Baseball Amateur di 1952 na Habana tabata destina pa bira un di e eventonan beisbolistico mas memorabel den historia di Aruba, pa loke e ekipo a logra riba tereno y pa e legado cu el a laga.

E picher Ruben Phillips a kibra e record di ponche cu 16 contra e team di El Salvador 17 di september. El a bira e prome Arubiano pa gana un wega den un Serie Mundial di Baseball Amateur. E siguiente dia Nel Harms a poncha 15 Hondureño y a kibra un record pa ponche den dos wega consecutivo. Nel Harms tambe a bati e prome homerun pa un ekipo di Aruba. Pichando contra Honduras Nel a bira e prome picher Arubiano cu a blankia e ekipo contario. Nel Harms a wordo eligi “Pelotero de la Semana”, e unico Arubiano cu a wordo reconoci den e forma ey den un Serie Mundial di Baseball Amateur.

Algun trivialidad di e Serie Mundial di Baseball Amateur di 1952 …. E legendario Joe Cambria, “scout” di Washington Senators a ofrece Nel un contrato pa hunga na Merca, pero Nel no tabata interesa. E siguiente aña, Nel hunto cu Ruben Phillips a firma y nan a hunga den liga di Georgia-Florida y esun di Texas-New Mexico…. Dia cu Aruba a hunga contra Puerto Rico, e rumannan Nel, Roy y Clyde Harms tabata e ultimo tres rumannan cu a participa hunto den un wega di Serie Mundial di Baseball Amateur…. Aruba tabata asina desconoci na Cuba na 1952 cu e banderin di Aruba cu nan tabata bende como souvenir tabatin e colornan di e bandera di Venezuela en bes di rood-wit-blauw. E Cubanonan tabata kere cu nos tabata forma parti di e pais cercano…. Joe Proterra, e manager di Aruba, tabata un supervisor Americano na Lago. E ta e ultimo Mericano cu a maneha un ekipo den un Serie Mundial di Baseball Amateur….

Den e Serie Mundial di Baseball Amateur di 1952, Aruba a gana solamente dos wega, pero e tabatin otro logronan inespera y hopi grandi. Un di nan ta e introduccion di Little League Baseball na Aruba. Na 1954 Clyde Harms a bolbe Habana y a reuni cu algun hende cu ken el a combersa tocante baseball hubenil durante e serie mundial. Un di nan tabata e legendario Bobby Maduro, doño di Havana Sugarkings! Cu nan ayudo y conseho, el a logra introduci Little League Baseball na Aruba dos aña despues.

Danki na e decenas di sponsor cu a sostene e ekiponan tur aña, danki na e centenares di homber y muher cu a duna hopi di nan ora y traha duro gratuitamente miles di ora cu muchanan como directiva, manager, coach, umpire, anotador, preparador di tereno, etc., etc., aña aden aña afo, Little League Aruba a bira un exito. Little League a defende cu honor e colornan di Aruba den campeonatonan regional, internacional y hasta mundial. Little League Aruba a produci peloteronan cu a ricibi beca pa universidad, peloteronan cu a hunga den liga menor y nada menos cu cinco cu a hunga den liga mayor na Merca. Ex-major leaguernan Calvin Maduro, Rhadames Dijkhoff, Sydney Ponson, Eugene Kingsale y nos strea actual cu Boston Red Sox, Xander Boogaerts, tur ta producto di Little League di Aruba.

Diasabra ABBA a inaugura e campeonato di baseball dedica na dos pelotero cu a saca cara di Aruba den e añanan 1990 y 1991 hungando den IBA World Series. Franklin Danies a hunga na 1990 den Atlanta Braves Stadium y Milton Tromp a hunga na 1991 den Dodger Stadium. Tur dos baluartenan di baseball Arubiano a representa e Western Hemisphere di IBA World All-Stars. Segun mi tin entendi, nan tambe ta producto di e voluntarionan di Little League di Aruba, legado di e Serie Mundial di Baseball Amateur di 1952 na Habana, Cuba.

Skirbi pa Clyde Harms

Comments

comments

Source link