Addonsito y George cu Quiznight 3

Manera un tradicion cu a start aña pasa, Addonsito Croes y George Winterdaal tin nan Quiznight 3.
Tur diamars anochi 8:00 na Aruba Racquet Club nan ta presenta nan quiz. Segmentonan manera Arubanita, Splica den 1 minuut y Berdad of Falso ta pone e gruponan competi contra otro pa na final di e anochi saca un ganador. Pa e siman cu a pasa e grupo Westpunt Wizzards a bira ganador di siman uno. Un y tur ta ser invita pa bin cu grupo di 4 of 5 hende tur diamars anochi. Mas informacion por yama 5616151 of 5602626.

Comments

comments

Source link

Skirt steak y grouper na MooMba pa Jim y Maureen for di Long Island

Jim y Maureen Beinlich for di Long Island, New York, ta bek riba e isla. Nan ta un pareha di pensionado y ta rate nan vakantie como number 1 y asina nan tabata kier a bay na un restaurant number 1. Canando riba beach, nan a topa cu MooMba Beach, caminda cu nan a sinta y a ordo e skirt steak y grouper. Jim y Maureen a bista nan dinner y a bisa: �Danki, mi hendenan number 1.� No ta leuk?
Nos ta spera cu boso pasa un bon vakantie riba e isla cu hopi mas bon experiencia, Jim y Maureen.

Comments

comments

Source link

Vakantie cu amigonan y dinner na MooMba

Joe, Deb, Barb y Diane for di Merca ta na Aruba, di vakantie cu amigonan. E cuaternan aki a yega di bin Aruba caba y nan conoce tambe MooMba Beach, caminda cu nan gusta e vibe relahante. Sinta cu nan pia en santo, nan bista riba lama ta basta relahante. Joe, Deb, Barb y Diane realmente gusta nan filet y fajitas, agregando esaki e MooMba Experience cu e siguiente palabranan: �e cuminda tabata hopi bon, e ambiente tabata great y e staff ta amigabel.�
MooMba Beach ta situa entre Holiday Inn Beach Resort y Marriott Surf Club. E restaurant ta habri pa desayuno te laat den atardi, y e bar ta sigui. MooMba Beach ta perfecto pa catch e vibe Arubiano.

Comments

comments

Source link

E di 11 Caribbean Sea Jazz Festival tabata yen di musica, arte y cuminda

Den fin di siman rond di e propiedadnan di Aruba Renaissance Hotels a tuma lugar e di diesun Caribbea Sea Jazz Festival. E tabata dos anochi cu varios artista internacional y local cu a sa di presenta riba un total di tres tarima.

Banco di Caribe
WEB
Wendys

Algun di e artistanan cu sigur a hala un tiki mas atencion cu otronan tabata sigur Ruben Blades, Shirma Rouse, Cory Henry, Zuco 103, Oruba, Havana Vieja All stars y otronan. Naturalmente parti paden tabata tin un otro bunita exposicion cu diferente pintura cu a keda bon bishita. Riba e Festival Plaza e publico por a escohe varios tipo di cuminda for di diferente restaurantnan. Ora cu a puntra e fundador di e festival Sr Erik Jan Eman riba cua artista por spera otro aña e la divulga cu e ta negociando cu e famos Herby Hancock.

Comments

comments

Source link

E di seis Siman di Restaurant di Aruba lo wordo prolonga te cu dia 17 di September

Nos tin bon noticia p’abo. Debi na e exito rotundo, a wordo dicidi pa prolonga e Siman di Restaurant na e ocho restaurantnan di Aruba Wine and Dine te cu diadomingo, dia 17. E Siman di Restaurant ta un treat berdadero pa e amantenan di bon cena di Aruba, kendenan lo por probecha di e super deal aki na e fabuloso restaurantnan di Aruba Wine and Dine. E restaurantnan tur ta diferente, cada un di nan unico den su propio manera. Tango Argentine Grill, Cafe the Plaza, Fishes & More, MooMba Beach, Salt & Pepper, Dragonfly, Nos Clubhuis y Hadicurari, lo sigui ta cla pa ricibi bo. E prijs pa menu lo lagabo boca habri cu asombro: esaki no ta posibel awendia.
E Siman di Restaurant ta laga e huespednan come un three-course culinary dinner pa simplemente 35 florin pa persona. Na Fishes & more, Hadicurari y Tango Argentine Grill, e prijs ta 45 florin. E chefnan di Hadicurari, Nos Clubhuis, MooMba Beach, Cafe the Plaza, Salt & Pepper, Dragonfly, Fishes & More y Tango Argentine Grill ta parando cla pa presenta nan menu, sperando pa atrae e dinernan di mas espectacular na nan restaurant. Y brinda cu un glas di Mezzacorona of Santa Margherita – e biñanan di escogencia durante e Siman di Restaurant.
Parti di e ganashi di e Siman di Restaurant lo bay pa Maris Stella, e cas di anciano di Aruba. Esaki ta djis un rason mas pa sali bay dinner durante e temporada super special di e aña. Si ta posibel, haci bo reservacionnan di antemano – esaki lo percura pa e miho mesanan den cas si bo specifica loke abo ta buscando.
E di seis Siman id Restaurant ta un showcase pa tur e Restaurantnan di AWD – e chefnan ta creando algo sumamente delicioso p’abo.

Comments

comments

Source link

Masha pabien na e bruid Margot y e e bruidegom Joeri

Bruid Margot y su bruidegom Joeri awo ta pareha casa. Nan a casa dia 11 di September y miembronan di famia a bin for di Hulanda pa forma parti di e ocasion aki. Henter e famia a bay na Cafe the Plaza pa su fantastico menu di three-course, durante e Siman di Restaurant y nan a guste un mundo.
Joeri y Margot ta biniendo Aruba desde principio di 2015, tempo cu Joeri a ricibi un pasantia na TNO.
Tur hende na Cafe the Plaza ta desea e miho di e deseonan pa Margot y Joeri y un caluroso “masha pabien.”

 

Comments

comments

Source link

Jeon trahando hunto cu artista J Balvin na New York

Durante e ultimo simanan por mira tanto riba rednan social di nos artista local Jeon como di e famoso artista di reggaeton J Balvin cu e dos artistanan aki tin algo na caminda.

Nos por a haya confirmacion cu ta trata aki di un proyecto musical conhunto. Si tur cos cana manera mester ta e resultado lo ta algo sumamente bunita pa Jeon mes,pa Aruba pero tambe pa papiamento en general.

Hopi no ta kere den casualidad, pero tur cos a cuminsa ora cu Jeon kende actualmente ta residencia na New York a topa cu e conocido J Balvin den gym. For di aki a cuminsa un amistad entre e dos musiconan. J Balvin mes na mas cu un ocasion riba instagram a post un video unda bo ta mira e dos artistanan den studio di grabacion. J Balvin ta un di e artistanan mas reconoci mundialmente den e genero urbano cu mas di 20 miyon fans riba social media. Su ultimo video clip di e exito “Mi Gente” tin mas di 500 miyon view den apenas algun siman.

Durante e siman aki tambe Jeon a sera conoci cu otro artistanan den e genero manera “Bad Bunny” , “De la ghetto”,y ” Arcangel”

Aruba mester ta hopi orguyoso y contento pa e talento di un local wordo reconoci pa un talento manera J Balvin. Nos ta sigur cu locual ta na caminda lo bay ta sumamente grandi pa Aruba y Jeon. Nos lo sigi monitoria e movecionan entre Jeon y J balvin.

Comments

comments

Source link

The Legacy of the Aruban Drummers diasabra anochi di 7or pa 11or na Renaissance Market Place

Durante ultimo simannan den Social Media, Television y na Radio nos a haya sa cu lo tin un concierto titula “The Legacy of the Aruban Drummers” na caminda.

Nos Redaccion a combersa cu Carlos Bislip, organisando y productor di e actividad, pa  conoce mas di e concierto.  Segun Carlos cu “The Legacy of the Aruban Drummers” ta parti di un concepto mas completo.

E drummer y educador a splica cu algun aña pasa ela pensa pa cuminsa un serie cu concierto cu lo expone na e comunidad di Aruba e varios interpretanan di e varios instrumentonan cu tin un historia aki na Aruba. E la yama e concepto aki  “The Aruban Legacy Concert Series”.

E prome instrumento cu a  expone den e serie aki tabata e Piano unda a presenta seis pianista di e edad di 18 pa over di 60: Vanessa Chacon, Mandy Villasmil, Terrance Green, Kyle Winklaar, Angelo Kock y Victor Camacho.

E di dos instrumento cu a expone   tabata e Gitara unda seis gitarista di e edad di 18 pa over di 60 tambe a presenta cu tabata Brandon Croes, Jean Claude Richardson, Chris Kross, Ryan Maduro and Freddie Franken.

Den ambos concierto e genero di musica a varia for di Musica Classica Europeo, Musica Classica di Latino, Folklore Arubiano, Folklore di paisnan di nos region, Jazz y Latin Jazz.

Pa Carlos , “The Aruban Legacy Concert Series”  mester ta un vitirna na e comunidad di unda nos ta como pais den e desaroyo di dicho instrumento.

Carlos ta spera cu comunidad por acepta e serie di concierto particular aki, como plataforma cu lo stimula y motiva instrumentalistanan Arubiano pa mehora nan abilidad den e arte.

Pa cu “The Legacy of the Aruban Drummers”, Carlos a aserca Renaissance Marketplace y a presenta na e gerencia e concepto / idea di e “Legacy Concert Series” y pa e biaha aki expone algun drummer di Aruba.

E escogencia di cua drummer lo figura den e concierto no tabata facil. Carlos ta kere cu tin masha hopi Drummer talentoso na Aruba.

E Drummernan cu finalmente a a  scoje tabata basa riba cierto criterio.

Carlos a infoca riba individuonan cu ta activo no solamente como ehecutor di drumset pero tambe individuonan cu ta preocupa pa cu nan desaroyo den e arte di toca y interpreta e Drumset.

Cu esaki cada un di individuonan ta trahando extensivamente riba e elementonan cu lo hibanan pa ta un musico completo cu un versatilidad y alcanse dimensional hopi amplio.

Como docente di musica specialisa den Drumset y Percussion aki na Aruba pa mas cu 30 aña Carlos ta concentra masha hopi mes riba e desarojo total di su alumnonan.

Varios di e Drummers cu lo presenta den edicion aki di e Concert Series ta preparando pa bai studia musica den exterior, esaki tambe ta un motibo cu Carlos  a kies pa expone nan.

E grupo di Drummers cu Carlos a escoje pa e concierto aki ta entre otro Stephen Diaz, Lidrick Solognier, Pierre Koolman, Chris Rodulfo, Derrick Huntington y Richard Holmond cu aki nan a wordo buta den volg orde di edad.

Stephen tin 19 aña, Lidrick Solognier tin 23 aña, Pierre Koolman 23 aña, Chris Rodulfo 27 aña, Derrick Huntington 37 aña y Richard Holmond.

Chris Rodulfo otro luna lo cuminsa un etapa nobo den su bida unda e lo biaha pa Dinamarca pa asina cuminsa su studio di musica eynan.

Chris casi 10 aña pasa a drenta e scenario di musica anto a toca den varios banda di musica popular.  Chris tambe a toca den varios concierto di Jazz anto den shownan importante manera UNOCA den Plata i tambe den e concierto pa Rey Willem Alexander na Bushiribana pa mentiona algun. Chris ta basta activo den e circuit di e cafes y tambe den sector di hotel.

Lidrick Solognier cu Pierre Koolman tambe ta den preparacion pa bai studia afor pronto. Nan tambe a drenta e scenario di musica mas o menos 6 pa 7 aña pasa anto a presenta den algun projecto di suma importancia musical.

Stephen Diaz ta esun mas jong den nan pero ta hopi serio den ki direction e kier bai den musica. Stephen ta demonstrando un abilidad hopi creativo pa cu e arte di toca drums. Stephen tin algun aña mas na Aruba prome cu e bai pa exterior pa bai studia musica.

Derrick Huntington ta un tiki mas avansa den edad.

Derrick na un edad basta hoben a tuma les di drums serca Carlos casi 25 aña pasa, pero e no a bai studia musica como su profession.

Algun aña pasa Carlos a bin tende cu Derrick tambe ta duna les di drums anto a waak tambe algun di su studiante toca. Basa riba con e estudiantenan di Derrick ta toca anto tambe a waak Derrick toca anto a constata cu Derrick a continuea di studia drums anto cu e ta hopi bon bezig cu e forward motion pa cu e Art of Drumming aki na Aruba. Derrick tambe ta basta occupa tocando cu varios artista akin a Aruba y tambe cu Michael Lampe (Data Panic)

E musiconan cu lo acompaña e drummers aki lo ta Jamaal Baptiste Piano, Ivan Quandus Bass, Freddie Franken Guitars, Franklin Granadillo Trumpet, Jairo Valle Saxophones anto Carlos Bislip Percussion.

E idea ta cu cada drummer lo presenta pa 20 min. Cada drummer lo escoje e canticanan cu e lo tin gana di toca.

Carlos ta menciona tambe cu e anochi aki lo ta un anochi di musica hopi varia ja cu cada drummer lo kies canticanan cu ta refleja nan character personal.

Lo tin cancionan di varios genre manera Pop Rock Contemporaneo, Composicionan di varios compositornan Arubiano, Jazz Contemporaneo, Alternative, Jazz Tropical y R&B .

 

Carlos a continua pa splica dicon ela dedica e concierto aki na Richard Holmond.

E ta corda cu e prome dia cu ela bai les di Drums na cas di drummer Argentino Ruben Lobo ela waak Richard ta ricibiendo les di Ruben. Richard tabata den e di dos level drum les den e programa di e academia di musica ADAIMA.

No masha tempo despues di esaki ela Carlos ta recorda cu ela waak Richard ta tocando den un hotel. “Akinan nos ta papiando di aña 1977”

Carlos ta comenta cu atravez su carera como Docente, Drummer, Percussionista y  Organisador di varios tipo di concierto semper e tabata tin un admiracion pa Richard den tur sentido.

Richard a logra di mantene su mes ta trahando constantemente den e mundo di musica aki na Aruba pa mas cu 40 aña cu ta algo hopi remarkable.

Richard semper tabata professional den tur sentido anto a duna respet na e profession aki door di ta semper representable.

Pa ta un musico profesional ta ensera masha hopi cos no solamente e abilidad di por toca bon. Pa ta un musico profesional bo mester ta confiabel y mester por depende riba bo como persona, ta na tempo, sa bo repertorio y tin dominio di e varios styles di muziek cu bo ta bai toca. Bo mester tin un instrumento  cu ta zona bon y cu ta mustra bon especialmente sib o ta bai ta den e entertainment business. Den e punta di bista di Carlos, Richard a cover tur e basenan aki anto e ta kere cu Richard no solamente lo mester ta un ehemple pa drummers pero pa tur musico cu ta desea pa drenta y labora den e professiona aki.

 

Carlos kier agradici tambe tur su sostenedornan anto cu sin nan apoyo e concierto aki lo no porta possible. Na tur e radionan emisoranan y TeleAruba cu a duna e projecto aki masha hopi airtime.

Renaissance Marketplace, UNOCA, Prins Bernhard cultuurfonds Caribisch Gebied, Aruba Tourism Authority, SETAR, Cliffix y SERLIMAR.

Comments

comments

Source link