Prome victoria den campeonato 2017-2018 pa La Fama

E di tres wega di e campeonato di futbol division honor 2017-2018 a continua diadomingo atardi, unda cu La Fama a topa cu Superfood Plaza Bubali. E wega aki tabata uno cu yen carchi a cay ya cu ambos team kier a bay cu e victoria, pero na final di e anochi La Fama a bay cu esaki cu e score di 1-0.

Esaki tabata e prome wega di ambos team, di cual tur 2 a subi tereno dicidido pa bay cu e triunfo. E wega tabata uno fuerte unda cu na 26 minuut di wega e number 5 di Superfood Bubali Bubali, esta Theric Ruiz, a ricibi un carchi geel despues di a comete infraccion. E wega a continua unda cu La Fama a ricibi un tiro di pinalti y Davidson Kaarsbaan a anota e unico gol di e wega. Na 41 minuut un biaha mas Superfood Bubali Bubali ta haya un carchi geel y e biaha aki a toca e number 10 Maurice Escalona pa comete un infraccion. E di dos tempo a cuminsa y na diferente ocasion ambos team a yega cerca di e area di gol, pero no a probecha di e oportunidadnan.

Pero na 53 minuut un di 3 carchi geel a cay pa Superfood Bubali Bubali y esaki tabata pa e number 12 Son-David Pieters. Superfood Bubali ta sigui ataca e barera di La Fama, pero e defensa no tabata haci esaki facil. Na 82 minuut di wega e number 18 di La Fama Carlos Ramirez a comete un infraccion y a ricibi un carchi geel. Wega a continua y na 85 minuut La Fama ta bolbe haya un carchi geel door di e hungado number 2 Angelo Henriquez. Den 90 minuut di wega e di 3 carchi geel pa La Fama ta cay y un biaha mas esaki tabata pa Angelo Henriquez. Na final di e anochi e wega a  termina 1-0 pa La Fama.

Comments

comments

Source link

Alberto Klabér di Brazil Taekwondo Stichting a logra forma un team pa e TK5 di Corsou

Diasabra ultimo Alberto Klabér a logra forma un team di Junior pa e TK5 di Corsou.  Esaki tabata e reto grandi cu tabata reina si Aruba lo ta presente na e TK5 di Corsou,  pero Monica Pimentel a presenta cu su atleta y a haci cu awo Aruba tin un team di  junior cu ta bay representa Aruba na Corsou na e di 7 TK5. Nos ta lamenta cu nos no 

por a logra forma un team di infantil pa Corsou pa aña 2017, pero nos lo bay trata di  forma un team di infantil pa Surinam 2018 unda cu Aruba tin 6 aña consecutivo campeon.  Awo cu a logra forma un team di junior e atletanan tin e tarea pa bay Corsou bringa y trece  e copa di TK5 Aruba. Esaki ta e team di Aruba cu a wordo forma:

Rasheed Lowe

Hakeem Lowe

Záhyon Klabér

Rouel Baarh

Nathan Fradl

 

E dos coachnan cu lo bay coach e team aki ta Jourdé Klabér y Monica Pimentel.

Comments

comments

Source link

Richard Dijkhoff: A hunga mas di 1600 wega di futbol durante campeonato 2016-17

“Pa mi ta un honor grandi pa ta para Boso dilanti awe pa duna inicio na un otro campeonato nacional, e biaha aki ta esun di Division di Honor 2017- 2018. Mi ta bisa honor, pasobra no ta mas cu algun siman pasa, cu mi tabatin e honor di conta cu un sosten mayoritario di clubnan di futbol di Aruba, pa mi sigui dirigi Arubaanse Voetbal Bond pa 4 aña mas. Mi ta priminti Boso cu lo mi dedica mas tempo, mas energia, mas dedicacion y aplica mi experencia y conocemento pa hiba futbol na e nivel mas halto cu nunca antes nos a conoce”, asina Ing. Richard Dijkhoff, Presidente di Arubaanse Voetbal Bond (AVB) a bisa den su discurso diabierna anochi na apertura di e campeonato Division di Honor 2017-18 den Stadion Guillermo P. Trinidad.
Pa haci esey, e organisacion ta conta cu un ekipo, no solamente den directiva di AVB, pero tambe rond di dje cu ta conseh’e y acesora nan pa tuma e miho decisionnan, semper cu futbol central. E intencion ta pa, den e siguiente lunanan, atrae profesionalnan pa sigui eleva e nivel di futbol. AVB ta pasando di un organisacion di boluntarionan, pa un organisacion profesional. “Mi ta masha orguyoso di bisa cu tanto CONCACAF como FIFA ta dunando nos un bon man den esaki”, di acuerdo cu Richard Dijkhoff.
Papiando di e organisacionnan internacional, Aruba e ultimo añanan a traha duro pa mehora nos nomber na e nivel ey. Nos ta orguyoso di anuncia cu nos ta masha bon mira den Caribe cerca CONCACAF, na Hulanda cerca KNVB y na mundo cu FIFA. Tur e organisacionnan aki ta brindando nos apoyo, tanto financiero, pero tambe cu conocemento.
“Pa loke ta futbol na Aruba, mi por bisa cu ultimo aña, e deporte Rey a luci den gran forma. E campeonato 2016-2017 a produci no menos cu 1600 wega, entre tur e liganan, di mucha te veterano, den cual tin mas o menos 3 mil futbolista. Cu orguyo mi por bisa cu futbol ta e deporte mas practica na Aruba y tambe na mundo! Futbol no ta solamente un deporte pa competi, pa anota gol, pero tambe e ta promove disciplina, union, ta uni clubnan y paisnan”, asina Richard Dijkhoff a duna di conoce.
Resumiendo, e Presidente recien reeligi di AVB a dirigi su mes na tur presente den stadion. “Mientras cu FIFA y CONCACAF ta determina pa sigui aporta cu Aruba, mientras cu AVB ta determina pa sigui profesionalisa e organisacion, mientras e clubnan ta determina pa sigui train y gana, nos mester e mesun determinacion aki di Bo, como fanatico, pa sigui sostene Bo ekipo preferi. Con bo por sostene? Dor di bin wega, apoya y promove bo team”.
Na final, Richard Dijkhoff a bisa “Pa awor, sin papia mucho mas awo, mi kier desea tur 10 team tur clase di exito. Ban traha hunto pa sigui desaroya nos futbol y mantene como nos deporte Rey!”

Comments

comments

Source link

Campeonato Division Honor 17-18 a cuminsa cu desfile di Lifida

Diabierna 13 di October den Compleho Deportivo Guillermo Trinidad tabatin e apertura di e campeonato di futbol division honor 2017-2018. E anochi a cuminsa cu un desfile di e teamnan di Lifida kendenan tabata acompaña p’e grupo di brassband Massive. E teamnan RCA y SV Caiquetio a subi tereno hunto cu e teamnan di Lifida pa canta e Himno Nacional di Aruba. E publico presente a disfruta di Massive Brassband sperando e prome wega di e campeonato. Na final di anochi e team di Solito, RCA, a piki e prome 3 punto y esaki ta pone un presion riba Caiquetio. 

Secretario di Comite Olimpico Arubano (COA), Nicole Hoevertsz, a hiba palabra e anochi aki dunando pabien na tur team p’e desfile bunita y a duna palabra di sosten na e muchanan pa sigui haci deporte. Presidente di Arubaanse Voetbal Bond (AVB), Ing. Richard Dijkhoff tambe a hiba palabra, unda cu el a desea tur team exito p’e campeonato. Tambe el a recorda tur hende pa hunto sigui engrandece futbol.

 

E aña aki AVB a opta pa haci e apertura diferente unda cu a cuminsa cu Lifida U-5 te cu Division Honor. E clubnan tabata presente, pero tambe personanan importante pa cu e campeonato aki. E aña aki AVB a scoge pa dedica e campeonato na 2 persona hopi conoci den e mundo di futbol, esta Juan “Juju” Rasmijn y Aubrey Maduro. E anochi aki Richard Dijkhoff hunto cu miembronan di directiva di AVB a entrega Juju Rasmijn un plakkaat unda cu a reconoce su persona. Aubrey Maduro no por tabata presente e anochi aki pa motibo cu e no ta na Aruba.

 

E prome wega di e campeonato tabata entre sub campeon di e campeonato anterior, SV RCA contra SV Caiquetio. Pa cu e wega mes AVB a mira e fanaticada di ambos team, unda cu Caiquetio y RCA a bin cu fanaticada grandi. Esaki lo tin di haber cu e decision cu e directiva di AVB a tuma e aña aki, unda cu nan a duna e entrada/e porta na e clubnan. Richard Dijkhoff a sigui indica cu awo ta e clubnan tin e responsabilidad pa yega na nan fanaticonan.

 

SV Caiquetio a subi pa division honor despues di basta aña a topa nan prome wega contra di RCA cual tabata un wega basta balansa. Awo e campeonato a cuminsa y tin un trayectorio largo pa bay, pasobra AVB ta organisa 1600 wega pa campeonato y no solamente Division Honor, pero tambe e campeonato di Lifida a cuminsa den fin di siman. Desde awo te cu otro na Juli lo tin weganan di futbol.

Comments

comments

Source link

Weekend Final di Aruba Domino Bond

E weekend tras di lomba a tuma lugar tanto na San Nicolaas como na Playa, e candeloso partidonan di Semi-Final di Aruba su deporte favorito, esta Domino.
Den Semi-Final 1, e Campeon di 2016 esta Noord Stars “Pizza Hut” DT a enfrenta e equipo batayador, esta Trappers DT. Tanto Diabierna como Diasabra, e campeon di ultimo decada Noord Stars “Pizza Hut” DT a sa di Sali y demostra nan abilitad y ta pasa relativamente fasil pa e final.

Den semi-final 2, e Team cu mas Titulo di Campeon den historia akin a Aruba, esta Old Parr DT a enfrenta e equipo cu den ultimo 3 aña ta yegando playoff sin ningun problema, esta Extreme DT. Aki si tawata tin Sorpresa den 3 wega “a Muerte”. Na final, sorpresa ta cai ora cu Extreme DT ta Sali e vencedor di e semi-final aki.

Final 2017
Campeonato Nacional di Domino Balashi 2017 ta drenta su weekend final, caminda cu lo tin fuerte bataya pa wak asina ken ta logra titular Campeon 2017. Aruba Domino Bond ta invita tur amante di bon Domino, pa bin presencia e weganan di Final e weekend aki, segun e siguiente schedule:

Noord Stars “Pizza Hut” Domino Team lo enfrenta Extreme DT den un best out of 3, pa Campeon. Old Parr DT lo enfrenta Trappers DT den un best out of 3, pa asina resulta den e di 3 of di 4 lugar.

Aki ta sigui e programa pa loke ta e weganan segun fecha di competencia, ekiponan cu lo enfrenta otro, e orario y e luga di wega:
Diasabra 14 di October, Noord Star DT lo enfrenta Extreme DT pa 7:30 PM na Riverplate (Oranjestad).
Diasabra 14 di October, Old Parr DT lo enfrenta Trappers DT pa 7:30 PM na Riverplate (Oranjestad).
Diadomingo, 15 di October, Noord Star DT lo enfrenta Extreme DT pa 7:30 PM na Riverplate (Oranjestad)
Diadomingo, 15 di October, Old Parr DT lo enfrenta Trappers DT pa 7:30 PM na Riverplate (Oranjestad)

Comments

comments

Source link

Brazil Taekwondo Stichting su plan di actividad pa aña 2018 ta cla

Brazil Taekwondo Stichting su plan di actividad pa aña 2018 ta cla caba. E plan di actividad di Brazil Taekwondo Stichting semper ta cla na luna di Augustus y semper ta warda un rato mas pa wak si ta bin cambio den e mundo di Taekwondo di parti di PATU of WTF.

Tur aña e calendario di PATU y WTF ta haci cu e team di Train Hard Fight Smart di Brazil Taekwondo Stichting ta haña nan mes forsa pa adapta  nan actividadnan door di e eventonan di G1 of G2 cu ta hopi mas importante. Por ehempel otro aña tin e clasificasion  pa e Pan Americano 2019, pero ainda no tin fecha ni pais pa organisa esaki. Brazil Taekwondo Stichting ta focus  awo ariba e Open USA, sigui pa Tunisia si keda cla cu e compromiso di e mayornan pa por logra e meta aki. Na luna di Juli tin e  camp training na Europa cu no tin fecha tampoco ainda y ta haci cu mester warda pa ETU manda e fechanan aki pa aña 2018.

Maart ta e Open Dutch of e Open Belguim y nos no sa ainda na cua di e dos eventonan aki nos lo bay, door cu e fechanan no ta bon conoci ainda. Brazil Taekwondo Stichting su plan di actividadnan manera e car wash ta sigui segun e plan di actividadnan pa asina por recauda  e fondonan necesario pa por logra e biahenan cu e team di Train Hard Fight Smart tin. Un cos ta sigur si cu pa aña 2019 nos tin algun lugarnan cu nos ta bay sigura caba.

Tocante di e TK5 no ta conoci si nos lo bay na esaki ainda, pasobra ainda nos no a forma un team. E otro cos importante pa e team ta cu nos ta conta cu mas  faha preto cu ta haci cu e team a bira mas grandi y nos por bisa cu tin un trainers korps mas grandi awo.  Brazil Taekwondo Stichting su actividadnan pa aña 2018;

  1. 27 di Januari campeonato nacional di ARTBO Dia di Betico.
  2. 28 di Januari te cu 2 di Februari Open USA na Las Vegas.
  3. 17 di Februari 7th TK5 Surinam.
  4. 4 di Maart Car Wash y BBQ.
  5. 17 di Maart campeonato nacional di ARTBO Himno y Bandera.
  6. 7 di April 10th Ultimate Taekwondo Cup.
  7. 8 di April Car Wash y BBQ.
  8. 6-7 di April World Taekwondo Qualification Tournament pa e Buenos Aires 2018 Youth Olympic Games na Tunisia.
  9. 9-13 di April World Taekwondo Junior Championships.
  10. 6 di Mei Car Wash.
  11. 12 di Mei 9th Gold Coast Taekwondo Cup.
  12. 19 di Mei 11th Arthy Lie’s International Taekwondo Tournament, Surinam.
  13. 2 di Juni San Nicolas Taekwondo Center Taekwondo Championship.
  14. 3 di Juni Car Wash y BBQ.
  15. 30 di Juni Noord Taekwondo Center campeonato nacional.
  16. 1 di Juli Car Wash.
  17. 18 di Augustus 24 aña di existencia di Brazil Taekwondo Stichting.
  18. 19 di Augustus Dia di Famia di Brazil Taekwondo Stichting na Baby Beach.
  19. 2 di September Car Wash.
  20. 29 di September 11th ARLS Aruba Caribbean Cargo Taekwondo Cup.
  21. 30 di September Rifa.
  22. 7-11 di October Youth Olympic Games, Buenos Aires Argentina.
  23. 3 di November 8th TK5 Corsou.
  24. 17 di November 23rd Best of the Best Taekwondo Tournament.
  25. 1 di December campeonato di San Nicolas Taekwondo Center.
  26. 7 di December examen pa tur color di faha.
  27.  11 di December Cena di Pasco di Brazil Taekwondo Stichting.

Comments

comments

Source link

Endy Croes y Chipen Chirino a sali pa Botswana Africa pa Congreso Mundial WBSC

Dialuna ultimo a sali pa Botswana Africa presidente y vice presidente di Aruba Softball Bond
esta Endy Croes y Francisco “Chipen” Chirino. Desde 2015 tabata conosi cu Botswana Africa a gana e bidding pa host e Congreso mundial di Baseball y Softball.

Pa bay bek poko den historia na 2014 na Tunesia a logra unifica e dos Federacionnan International esta IBAF ( Baseball) y ISF ( Softball). Esaki mester a tuma lugar pa crea e oportunidad pa tanto Baseball y Softball regresa den weganan Olympico. Despues di e desicion aki Baseball (masculino) y Softball (femenino) a logra drenta programa di weganan Olympico pa cu Japon Tokyo 2020. WBSC awor ta consisti di dos disciplina esta Baseball y Softball. Dia 12 pa 15 di October proximo lo celebra e promer Congreso official di WBSC desde cu e fusion a tuma lugar bow di un solo dak esta Baseball y Softball den union y hunto. Endy Croes formando parti como miembro di directiva di WBSC a wordo apunta pa traha den diferente comision tanto Hall of Fame y tambe comision di reglamento. Tin un buki reglamento nobo cu lo bay sali na 2018 completamente revisa y modifica unda no lo papia mas di 12 reglamentonan pero di Chapter 1 te cu 6.

Esaki entreotro ta riba programa pa wordo aproba. Tambe formatonan mas atractivo pa hunga campeonatonan internacional tanto clasificatorio como inovacion pa cu weganan mundial. Chipen Chirino ta den comision di material cu mester wordo aproba pa por wordo usa y tambe lo bay ta trahando separadamente segun e Congeso ta avansa. Aruba por ta orguyoso di tin su representantenan trahando den funcionan internacional. Sigur Endy y Chipen lo sa di buska cualkier beneficio internacional cu e contactonan riba e nivel aki cu por juda nos isla progresa y desaroya nos deporte di softball.

Comments

comments

Source link

RCA ta cla pa enfrenta Caiquetio y tambe pa bolbe domina Campeonato Divishon Honor

Ekipo Tricolor cu tin e historia di mas exitoso den futbol local,  sigur desde 2008 tambe ta e ekipo cu mas exito ultimo 10 anja. Cinco titulo Campeonil y dos final perdi. E Campeonato aki a opta pa pone e Maestro di tur Maestro na Timon, esta Joseph “Joy” Rosa. RCA a hiba un preparashon fisico di bon caliber bou guia di e experto local Andy Gomes.

RCA ta conta cu un staff completo cu di Masahista Icho Matos te Lider ekipo Danny Kelly tin masha experencia. Directiva a prepara pa e promer wega cu articulonan special pa anima. Directiva ta invita un y tur especialmente fanaticada di RCA pa ban yena stadion Guillermo Prospero Trinidad diabierna awo pa 8or di anochi. Bo entrada ta bandi panord pega cu e Gym. Na e prome 50 fanatico cu paga nan entrada lo tin un regaldo. Korda cu e plaka di entrada di e porta Tricolor ta pa bo ekipo preferi. #RCApaBida

Comments

comments

Source link

Resultado di e team di Aruba na President’s Cup na Las Vegas

Den fin di siman a tuma lugar na Las Vegas President’s Cup unda cu Joshua Klabér y Záhyon Klabér a participa.

Jourdé Klabér a coach tur dos atleta. Jourde Klabér mester a registra na world Taekwondo Federation como coach y na Las Vegas mester a atende e

curso di coach pa asina por a bin na remarka pa certifica su mes pa eentonan di G1 y G2 pa por coach cualkier atleta. Dia pa dia tin cambionan cu ta bin den e bringamento di Taekwondo unda cu esaki ta word adopta cada biaha unda cu no tin un contesta ariba te unda esaki lo yega. Manera un pregunta cu a bin pa dilanti ta e unda of te con halto bo por hisa bo pia promer cu bo hanja un straf punt.

 

Diasabra Joshua Klabér tabata den un poule di 13 bringador unda cu Joshua Klaber a bringa contra di Jordan Guerrero for di Merka. Joshua Klaber a duna mas di su banda, pero no tabata suficiente pa por a logra gana unda cu a wordo derota cu un scor di 10-4.  Diadomingo tabata turno di Záhyon Klabér kende tabata premira su mes ariba e poduim. Záhyon Klabér tabata den un poule di 20 atleta unda cu

Záhyon Klabér su proer pelea a bay contra di Adrian Rocha for di Merka. Un pelea cu a bay nek y nek den puntonan te cu mester a bay te sudden death unda cu Záhyon KLabér a scor promer y por a sigi pa e siguiente pelea. Den di dos pelea Záhyon Klabér a topa cu Kelvin Tran for di Merka unda cu e pelea  aki a bay te cu sudden death unda cu Záhyon Klabér a bolbe scor promer y logra gana e pelea pa por a sigi pa e medaja di Bronze.

Záhyon Klabér a topa cu e Candees Sherif Hassan unda cu Záhyon Klabér tabata determina pa su medaja. Den e promer rond Záhyon Klabér a coy bentaga cu un scor di 4-0. Den di rond Záhyon Klabér a keda dilanti cu uns cor di 7-4. Den di 3er y ultimo rond Záhyon Klabér tabata ganado te na e ultimo seconde unda cu cos a bay robez cu

Záhyon Klabér cu no por mas y wordo derota cu un scor di 11-9. Un Záhyon Klabér hopi desapunta di pr a perde su medaja y mester a keda satesfeho cu su derota. Jourdé Klabér a keda contento dipor a coach pa su promer biaha den un evento di G2. Awor lo tuma un descanso chikito pa asina cuminsa prepara bek pa Open USA cu ta un G2 na Februari 2018. 

 

WEB
Banco di Caribe
Wendys

Comments

comments

Source link

Exitoso Torneo organisa pa Omnibus Tennis

Weekend ultimo, a tuma lugar riba canchanan di tennis di Marlboro, e torneo Gamma IT Solutions organisá pa Omnibus Tennis.

Banco di Caribe
Wendys
WEB

Despues di basta weganan di 2 diferente categoria den un bon ambiente a resulta como ganador: Australian Open Doubles: Alexander Nunez & Jasper Fidler US Open Singles: Gijs Fidler Despues di tur e weganan, a tuma lugar e prijsuitreiking y un BBQ pa tur e participantenan. Tur hende a disfruta di un dia placentero hungando tennis den un ambiente gezellig y deportivo. Durante e torneo tabata tin banda di e hungadornan, hopi famia y supporters presente pa asina den un ambiente competitivo disfruta di un weekend di tennis. Esaki ta tambe e motibo di Omnibus Tennis cu sponsor Gamma IT Solutions pa organisa e torneo di tennis mensual dus si bo ta pensa cu abo of bo yui tin smaak den hunga tennis boso tur ta bon bini na e siguiente torneo!

Comments

comments

Source link